Иако Плазма технологијата во споредба со Ласерската и Water Jet е поприлично лимитирана , сепак може ефикасно да се користи во индустрискиот дизајн.Бенефитот е голем како и опсегот на примена.

Овој сајт има за цел да ја афирмира примената на плазма технологијата во дизајнот на производи, градежништво и други гранки во металната индустрија.

Моето долгогодишно искуство на примена на оваа технологија во производството, како и работа на разни надворешни проекти укажува на тоа дека и покрај тоа што е позната кај нас, оваа технологија иако има да понуди нов квалитет во производството, особено во поглед на економичност во искористување на материјалот, сепак се заобиколува.

Креирање орнаменти

Креирањето на орнаменти со плазма постапка е една од можностите за декорација при дизајнирање на производот од метал. Во пракса сум користел следен тип на орнаментика:

Орнамент во рамнина
Орнамент во две паралелни рамнини (дводелен)
Орнамент во три паралелни рамнини (троделен)

Орнамент во рамнина

Орнаментите во рамнина се всушност креирање на украсен дизајн на самиот материјал од елементот со одземање на дел од материјалот од него. Треба да се внимава на тоа да самиот дизајн не предизвика изобличување на материјалот што зависи од дебелината на материјалот и од растојанието на засебните шари во целина. Сепак треба да се има на ум дека станува збор за термичка постапка која го изложува материјалот на високи температури, а челикот соодветно реагира на нив со напрегање на материјалот поради температурно оптеретување кое може да резултира со лачно искривување на елементот кој се обработува.

(кликни на сликата за pop-up приказ)

Печка на дрво "DORINA" Орнамент во рамнина	"Dorina"-Плотна Орнамент во рамнина
"Mystic"- Плотна Орнамент во рамнина	Печка на дрво "Mystic" Орнамент во рамнина
Печка на дрво "Pearl" Орнамент во рамнина	"Pearl" панел Декоративен панел со орнамент
Котел "Hippo" Орнамент во рамнина

Орнамент во две паралелни рамнини

Орнамент во две паралелни рамнини е всушност комбинација од орнамент-шара на материјалот како позадина или само полн материјал, и орнамент како засебен елемент кој се поставува над орнаментот-шара или материјалот во позадина. Со ваквото комбинирање се постигнува просторен ефект на орнаментот.

При формирање на ваквиот тип на орнаменти, се осмислува начинот на нивно спојување меѓусебно, за да заварувањето биде невидливо (прикриено) ако се одлучиме на ваква постапка на спојување.

(кликни на сликата за pop-up приказ)

Орнамент просторен Орнамент во две паралелни рамнини	Орнамент просторен Орнамент во две паралелни рамнини

Орнамент во три паралелни рамнини

Орнаментот во три паралелни рамнини претставува надоградување на просторниот во две со уште еден орнамент над постоечкиот просторен со што се постигнува побогат просторен впечаток на дизајнот.

При формирање на ваквиот тип на орнаменти, ако се одлучиме на спојување со заварување, спојот на сите елементи на орнаментот треба да е невидлив (прикриен).

Орнамент просторен Орнамент во три паралелни рамнини

(кликни на сликата за pop-up приказ)

Врати се на мени

Ornamenti

Плазма во сеопфатно индустриско производство

Плазмата има широк опсег на користење во металната индустрија. Во основа, може да се користи за давање на форма на елементите било во финална или развиена форма, која е припремна за понатамошна доработка до финална форма. Најчесто ја користам во изведба на метални конструкции, производството на котли, термогени, печки, прототипни производи по барање на инвеститор, дизајн во градежништво и архитектура и сл.

Нејзината важност се покажува на дело кога треба да се формираат елементи од специфични материјали кои или неможе или не е пожелно да се произведат на друга машина за понатамошно нивно користење во склоп.

Такви материјали би биле: Hardox, Weldox, Inox, Алуминијум, Бродски лимови и сл.

Првите два се материјали отпорни на абење а крути на свиткување, алуминијумот е мек, бродскиот лим е профилиран на едната страна, па вообичаениот избор како што е хидраулична преса за сечење (Маказа) неможе да се примени. Како информација, Inox како материјал некои го сечат на маказа (потанките). Но и танкиот Inox го еродира и оронува ножот на маказата.

Во продолжение, краток приказ на примената на плазмата од мојата страна во производството.

Примена на плазма во метални конструкции

При изведба на металните конструкции, плазмата наоѓа примена при изработка на анкер плочи, спојни плочи, монтажни плочи за споеви со завртки и навртки ,лежишта на главни носачи, укрутни плочи и сл.

Токму оваа примена овозможува поинаков пристап кон реализацијата. Главно, се намалува времето на изработка, поголем дел се завршува во хала, мали трошоци и кратко време за монтажа на терен. А освен квалитетот на монтажа, се додава и нов елемент: Модерен дизајн. Иако добар дел од склоповите не се гледаат по завршување на објектот, сепак добар период е видливо она што се работи и претставува можност за промоција на вашиот пристап кон реализацијата на објектот што е само по себе реклама.

Пин-лежиште за главен носач

Плочестите елементи се исечени на плазма а потоа се формирани во склоп. Вака дефинирано лежиште, со соодветна геометрија претходно анализирана, овозможува флексибилност на металната конструкција и овозможува правилно прераспределување на напоните низ неа.

Пин-лежиште за главен носач

Лежиштето погледнато од друг агол

Метод на монтажа

Завршна фаза на спуштање на бетонските носачи на припремениот склоп на тлото

Пин-лежиште за главен носач

1/7

(кликни на сликата за pop-up приказ)

Примена на плазма во други конструктивни изведби

Плазмата може успешно да се користи и за остварување други конструктивни специфични изведби каде елементите имаат специфични форми. Во поглед на нивната изведба, најчесто се сечат развиени форми од лим, со отвори, шари и сл, и елементи кои по сечење се готови за натамошна монтажа. Може во определени ситуации сите елементи за еден производ да се извадат со сечење на плазма. Со тоа остануваат другите машини за раскројување да бидат ангажирани за нешто друго

Транспортна корпа за виљушкар

Елементите за истата се комплетно исечени на плазма

Котел со голема моќ

Плазмата е искористена за сечење на развиените форми за истиот

Контејнер отворен тип

Сите составни елементи сем профилите се исечени на плазма и како такви се употребени за склоп

Транспортна корпа за виљушкар

Елементите за истата се комплетно исечени на плазма

1/6

(кликни на сликата за pop-up приказ)

Врати се на мени

Proizvodstvo

Реализирани проекти

Во овој дел претставуваме некои реализирани проекти кои се остварени со помош на плазма технологија

Дискотека Акрополис Неготино Декорација на столбови и огради	Viking Печка на пелет
"Слога"- Кавадарци Кровна метална конструкција	Челичен транспортен канал Канал обложен со Hardox за транспорт на абразивен материјал