Ова е пример каде може да се види бенифитот од комбинирани техники на изведба на метална конструкција во кои се користи и плазмата како метод за сечење на спојните плочи и носечки лежишта. Крајниот резултат е монтажа на конструкцијата за нешто повеќе од еден ден.

Но исто така и самиот процес на производство е олеснет и забрзан.

Формата на плочата, не е само врзана со изгледот туку и со функционалноста и метод на монтажа. Формата се задава така, да ја отсликува положбата на другите елементи кои се во корелација со неа. При производство на склопови нема потреба од постојано мерење. Самата форма дефинира положба. Тоа е од големо значење при формирање на хоризонтални, вертикални, бочни спрегови во склоп. Обично бројот на плочи во една конструкција е голем. Па со формирање на кројни шеми од кои се креира CNC кодот, можете да направите стратегија на кроење со минимален остаток (отпад). Економичноста во искористувањето на материјалот се истакнува по завршување на фазата на производство кога игра значајна улога на делот од инвестицијата за проектот кој останува како профит за компанијата.

Прикажаната конструкција е монтажна, со завртки и навртки. Ако формирате правилен пристап при производството, главно се мисли на точноста на изведбата на елементите и склоповите , ќе останете помалку време на терен за монтажа... помалку трошоци за механизацијата која ја изнајмувате а која ви е потребна а ја немате. Во случајот кој е наведен, и покрај големиот број на споеви со завртки и навртки, не се покажа потреба на корегирање на ниту еден отвор во текот на монтажата. Начинот како ќе ја употребите плазмата во производството, зависи и од типот на конструкцијата. Но во основа останува еден факт: Колку повеќе ја инволвирате односно и најдете примена во изработката, толку повеќе ја зголемувате економичноста и ефикасноста во изведбата.

​