Зошто AutoCAD Mechanical?

Ова софтверсо решение е прилагодено за она што го работам. Има библиотека со стандардни елементи од машинство, има алатки за почетни анализи и сл. Исто така, прилагоден е да со алатниците, за брзо време се постигне поголем работен ефект. Исклучиво го користам за проектирање или разработка во 2D како што налагаат правилата на техничкото цртање и проектирање. Ова е првата фаза во проектирањето.

Во него исто така се формираат и кројни шеми кои се користат за изведување на материјални листи а и основата од која се формираат CNC програмите за машините инволвирани во реализацијата.

AUTODESK софтверите исклучиво се наменети за работа со компјутерско "глувче". Други евентуални методи засега не се ефективни. Од искуство дојдов до сознание дека најчести типки кои се користат во работата се esc и del. Токму честото користење и ви го одтргнува вниманието од она што го работите. Дојдов до солуција која ја препорачувам: Користење на гејмерско глувче за работа со CAD софтверите. Предноста на ова од класичното глувче е што функциите му се програмабилни. Секоја комбинација се снима во форма на скрипти, па со нивно повикување се менува и функцијата на глувчето. На 3-те дополнителни дугмиња кога работам со Mechanical ми се дефинирани esc, del, и калкулаторот. Останатите класични дугмиња си имаат веќе вообичаена функција во CAD. Со тоа, колку и да звучи нелогично, работата неспоредливо се олеснува и забрзува. Да не спомнувам дека со притисок на типка, се менува тековно функцијата на глувчето, што ви дава голем избор на прилагодување. Во галеријата се дадени секвенци од тоа како и за што го користам AutoCAD Mechanical.

​